हैवानाची नव्हे बघ्याची भीती वाटते
प्रवाशांनी गच्च भरलेल्या एसटीत क्षुल्लक कारणावरून महिला वाहकाला एक तरुण फरफटत बाहेर खेचतो. लाथाबुक्क्याने बेदम मारहाण करतो. तिचा गणवेश फाडतो. आणि बाकीचे प्रवासी थंडपणे ती मारहाण पाहात राहतात.. त्या महिला वाहकाच्या मनात भय आहे ते या गोष्टीचेच.. ती सांगते, 'सर्वादेखत तो मला मारत असताना मीसुद्धा त्याचा प्रतिकार करत होते. पण माझ्या मदतीसाठी कुणीही पुढे आले नाही. मागच्या बसमधील माझीच एक महिला सहकारी काही वेळानंतर तेथे आली आणि तिनेच मला मदतीचा हात दिला. मला त्या हैवानाची भीती नाही..ते 'बघे' आठवले की काळजाचा थरकाप उडतो.'
( सविस्तर बातमी आजच्या लोकसत्तामध्ये )