मोदीजी अमेरिकेला जाताय , अस्मितेला जपा . 

मोदीजी, आपण  सप्टेंबरमध्ये अमेरिकेला जाताहेत असे समजले. यापूर्वी आपले माजी राष्ट्रपती अमेरिकेच्या दौऱ्यावर गेले असतांना त्यांना पायातले बूट काढून त्यांची सुरक्षा तपासणी केल्या गेली होती, व  जॉर्ज फर्नांडीस सरंक्षण मंत्री असतांना त्यांची कसून अंग झडती घेतल्या गेली होती असे समजते. आपल्या अमेरिकेतील (महिला) राजदूत या देशांतर्गत प्रवास करत असतांना त्यांचीही सुरक्षा तपासणी घेतल्या गेली होती असे वृत्त वाचनात आले होते. तेंव्हा अमेरिकेत आपल्या सोबत असे काही घडल्यास आपण अमेरिकेत पाउल न टाकता तसेच मायदेशी परत यावे व भारताची अस्मिता जपावी ही विनंती. या बाबतीत आपण लोकसभेच्या माजी सभापतीमीराकुमार यांचा आदर्श डोळ्यासमोर ठेवावाअसे मला सुचवावेसे वाटते. मीराकुमार यांना अमेरिकेच्या दौऱ्यावर जायचे होते. त्यापूर्वी त्यांनी अमेरिकन अधिकाऱ्यांना " विमानतळावर माझी सुरक्षा तपासणी होईल काय ? " अशी विचारणा केली असतांना त्यांना होकारार्थी उत्तर मिळाले. तेंव्हा मिराकुमारांनी आपला अमेरिकेला जायचा  बेत रद्द केला व देशाची अस्मिता जपली. माझ्यामते तर आपण अमेरिकेस जायलाच नको.  कारण यापूर्वी अमेरिकेने आपणास दोनदा व्हिसा नाकारला होता. आता आपण त्यांनी अमेरिकेस येण्याचे दिलेले आमंत्रण नाकारून आपला यापूर्वी झालेल्या अपमानाचेउट्टे काढावयास पाहिजे होते. आपण अमेरिकेस जाताहात म्हणजे आपलेच खेटर अडले आहे असे दाखविणे होय तेंव्हा माझ्या मते आपण अमेरिकेस जाउच नये. याउलट अमेरिकेच्या भोवताली जे देश आहेत उदा. कॅनडा , मेक्सिकोसारख्या देशात जाउन अमेरिकेला "बेस्ट " दाखवावी. नाहीतरी अमेरिकेत आपण जातो तेंव्हा "आले लेकाचे भिकारी" असाच भाव त्यांच्या मनात असतो आपल्या अमेरिका दौऱ्यामुळे त्यास पुष्टी मिळेल. तेंव्हा आपण जाऊ नये आपण सुज्ञ आहात. मी जास्त काय ते सांगावे ?
आपला नम्र
राजेंद्र कडू