बॉबीबद्दल गैरसमज नको. 

'बॉबी' हा गाजलेला सिनेमा (डिम्पल कपाडिया) बहुतेक सर्वांनी पाहिला आहे. त्यानंतर "बॉबी जासूस' नावाचाही एक चित्रपट (विद्या बालन) येउन गेला. या दोन्ही चित्रपटात बॉबी हे  स्त्री पात्राचे नांव होते. मात्र इंग्रजीतील बॉबी हे नाव/शब्द  ब्रिटनमधून आलेले आहे. तेथे रॉबर्ट या नावाचे लघुरूप बॉबी असे करतात.  आणि रॉबर्ट हे पुरुषाचे नाव आहे. म्हणजे तेथे फक्त पुरुषच 'बॉबी' असू शकतात. महिला नव्हे. दुसरे असे की लंडनमध्ये पोलिसाला बॉबी म्हणण्याचा फार जुना प्रघात आहे. जुना म्हणजे जेंव्हा महिलांची पोलिसात भरती होत नव्हती तेंव्हापासून म्हणजे येथेही बॉबी हे नाव पुरुषांसाठीच आहे. आता अर्थात पुरुष पोलिस असो किंवा महिला पोलिस दोघंही बॉबीच असतील बहुधा.