लोकासांगे ब्रम्हज्ञान ……… 

नुकतेच भाजपाचे खासदार नवज्योतसिंग सिद्धू हे स्थानिक अभियांत्रिकी महाविद्यालयात युवकांना मार्गदर्शन करून गेले. ध्येय प्राप्तीसाठी प्रामाणिकपणे मेहनत करा असा सल्ला त्यांनी युवकांना दिला. ज्या जालंधर शहराचे सिद्धू प्रतिनिधित्व करतात तिकडे ते फिरकत सुद्धा नाहीत अशी तेथील मतदारांची तक्रार आहे व नवज्योतसिंग सिद्धू हरविले आहेत अशी पोस्टर्स जालंधर शहरात लागली होती. तर हे सिद्धू महाशय महिनोन्महिने टीव्ही मालिकेतील एका भंकस कॉमेडी कार्यक्रमाच्या शुटींगमध्ये व्यस्त असतात आणि या कार्यक्रमातील पांचट व अश्लीलतेकडे झुकणाऱ्या अचकट विचकट संवादांना खास " पंजाबी " स्टाईल मध्ये दाद देतांना दिसत असतात. आपल्याला ज्या लोकांनी निवडून दिले त्यांच्याप्रती आपले काही कर्तव्य आहे असेही सिद्धुंना वाटत नाही असे दिसते. त्यांची टीव्हीवरील कामगिरी युवकांसमोर कोणता आदर्श ठेवत असेल हा एक काळजी करण्याचा विषय आहे. यासाठी मराठीत एक समर्पक म्हण आहे. " लोका सांगे ………" 

राजेंद्र कडू