असंगाशी संग,प्राणाशी गाठ  " आयएएस अशोक खेमका भाजप सरकारवरही नाराज काँग्रेस सरकारच्या काळात व्हिसल ब्लोअर बनलेले हरियाणातील ज्येष्ठ आयएएस अधिकारी अशोक खेमका यांची हरियाणातील भाजप सरकारकडूनही न्याय मिळण्याची अपेक्षा फोल ठरली आहे. वेगवेगळ्या मार्गांनी त्यांना घेरले जात असल्याचे लक्षात येताच त्यांनी आपण नव्या संघर्षासाठी तयारी करत असल्याचे टि्वटरवर जाहीर करत नाराजी प्रकट केली आहे. शुक्रवारी केलेल्या एका टि्वटमध्ये त्यांनी "मी संघर्ष करून आयुष्य जगू इच्छितो' असे म्हटले आहे. त्यांच्या या वक्तव्याचे सध्या अनेक अर्थ काढले जात आहेत. रॉबर्ट वढेरा यांच्या कंपनीला काँग्रेस सरकारच्या काळात जमिनी देताना झालेला गैरव्यवहार बाहेर काढल्याने अशोक खेमका चर्चेत आले होते. खेमका यांनी आता आपल्याला कुणाकडूनच कसलीही अपेक्षा नसल्याचे स्पष्ट करताना कुणाकडून सहानुभूतीची गरज नसल्याचेही म्हटले आहे. खेमका यांनी त्यांच्याकडून केंद्र, राज्य सरकार तसेच भाजप नेत्यांना आपल्या पुढच्या लढाईकडे भाजपविरोध म्हणून पाहू नये, असे स्पष्ट केले आहे. (दिव्य मराठी) "या पूर्वीची बातमी/पोस्ट --- मोदी सरकार सत्तेवर येताच खेमका यांना पुरातत्व खात्यात ढकलण्यात आले.