आपण धर्मनिरपेक्ष आहोत तर  आपल्याला हिंदू राष्ट्र व्हायचे आहे.  आणि आपला शेजारी/लहान भाऊ म्हणतो नेपाळ धर्मनिरपेक्षच, हिंदू राष्ट्र नव्हे,

संविधान सभेने घटनादुरुस्ती प्रस्ताव फेटाळला

नेपाळच्यानव्या संविधान सभेने देशाला हिंदू राष्ट्र बनवण्याचा प्रस्ताव फेटाळून लावला आहे. त्यामुळे आता नेपाळ धर्मनिरपेक्ष राष्ट्र म्हणूनच ओळखले जाईल. शिवाय, देवनागरी लिखित नेपाळी हीच नेपाळची राजभाषा असेल. नेपाळमध्ये बोलल्या जाणाऱ्या अन्य भाषांना राष्ट्रभाषेचा दर्जा असेल. शिवाय, प्रत्येक राज्य त्यांच्याकडील बहुमतप्राप्त भाषेत कामकाज करू शकेल. राष्ट्रीय प्रजातंत्र पक्षाचे कमल थापा आणि दीपक बोहरा यांनी सोमवारी संविधान सभेत संविधानाच्या परिशिष्ट मधील घटनादुरुस्तीचा प्रस्ताव मांडला होता. त्यानुसार "धर्मनिरपेक्ष' हा शब्द वगळून 'हिंदू राष्ट्र' लिहिण्याची मागणी करण्यात आली होती. मात्र, संविधान सभेचे अध्यक्ष सुभाषचंद्र नेंबांग यांनी हा प्रस्ताव फेटाळून लावला. त्यानंतर थापा यांनी मतदानाची मागणी केली. प्रस्ताव मंजुरीसाठी ६१ मतांची गरज होती, परंतु थापा यांना फक्त २१ सदस्यांनीच पाठिंबा दाखवला. नेपाळी काँग्रेस, सीपीएन-यूएमएल तसेच यूसीपीएन-माओवादीच्या संयुक्त प्रस्तावास दोन तृतीयांश मंजुरी देत 'धर्मनिरपेक्ष' हा शब्द कायम ठेवण्यात आला. (दिव्य मराठी दिनांक १५/०९/१५०