या (औट घटकेच्या) तुफानाला घर देता का घर ? 

निवृत्त झाल्यापासून मी मंदिरातच राहत होतो. 
पण काही उचापतखोर मंडळींनी मला रामलीला मैदानावर, मंचावर रहायची सवय लावली.
मैदानावरच्या या निवासाला संधीसाधूंनी टेकू लावले होते, हे माझ्या लक्षातच आले नाही.

आता त्यांची गरज भागल्यापासून ते मला विचारेनासे झाले आहेत.
मला  पुनश्च रामलीला मैदानावर रहावेसे वाटते पण कोणी धूप घालत नाही.
मी अधूनमधून निरनिराळ्या राजकीय संघटनांचे माझ्या कडे लक्ष वेधून घ्यायचा प्रयत्न करत आहे.
पण काही यश येत नाही.

खाण्यापिण्याबाबत माझा काही त्रास नाही. मी दिवसेंदिवस उपाशी राहू शकतो.
मला फक्त हक्काचा निवारा पाहिजे आहे.
कुणाच्यातरी आमंत्रणाची वाट पाहतो आहे. कुणी घर देता का घर ?

आपला,
उपोषण सम्राट, किसनराव उपोषणकार