सुमित्रा महाजन मुळच्या महाराष्ट्रातल्या , रत्नांग्रीच्या  ......

लग्न होऊन मध्यप्रदेशात गेल्या.
तिकडे जाऊन त्या हिंदीत बोलायला शिकल्या म्हणून त्या
नगरसेवक, आमदार, खासदार होऊ शकल्या.
महाराष्ट्रात मात्र मराठी न बोलता कुणीही नगरसेवक, आमदार, मंत्री एव्हढेच काय
मुंबईचे शेरीफसुद्धा होऊ शकतो.

तामिळनाडूत कायमचे स्थायिक व्हायचे असेल तर ........ 

तुम्हाला तामिळ आलेच पाहिजे.
तीच परिस्थिती दक्षिणेतील सर्व राज्ये, बंगाल, ओरिसा, ईशान्येकडील सर्व राज्ये एव्हढेच काय आपल्या शेजारच्या गुजरातमध्येही आहे.

शिवाजी गायकवाड तामिळ शिकला म्हणून सवाई महानायक होऊ शकला.
महाराष्ट्रात मात्र तुम्ही मराठी न येता नगरसेवक, आमदार, मंत्री आणि महानायक सुद्धा होऊ शकता.

समोरच्याने अमुक एक भाषाच बोलावी असा माझाही आग्रह नसतो. पण,

त्यानेही 'माफ किजिये मुझे मराठी नही समजती, कृपया हिंदीमे बात किजिये.'
असे म्हणू नये अशी माफक अपेक्षा ठेवतो.

प्रश्न मराठीच्या अपमानाचा नाही, उपेक्षेचा आहे.
मराठीत उदघोषणा, संचलन नाही केले तरी चालते,
मराठीत पाट्या नसल्या तरी चालतात असे (महाराष्ट्रात) मराठीला गृहीत धरणे चालू आहे.

पाहुण्यांची सोय दोन दिवसच पहायची असते.

कायम मुक्कामी आलेली व्यक्ती पाहुणा नसते.

मराठी भाषेच्या उपेक्षेमुळे मराठी संस्कृती कोपरयात ढकलली जात आहे.

आपल्या (मराठी माणसाच्या) या उदार धोरणामुळे 

 

एक दिवस महाराष्ट्रातून मराठीच हद्दपार होईल कारण

दोन अनोळखी मराठी माणसे भेटली की त्यांचे संभाषण हिंदीतून सुरु होते व काही  वेळाने जरी असे कळले की आपण दोघही मराठी आहोत तरी
तेथे एखादी अमराठी व्यक्ती हजर असली तर या दोघांवर मराठीत न बोलण्याचे एवढे दडपण येते की ते मराठीचा 'म' देखील उच्चारत नाहीत.

अशामुळे कालांतराने मराठी ही फक्त घरात बोलण्याची भाषा होईल.

आणि तुमची मुले जर ईग्रजी माध्यमाच्या शाळांमधून शिकत असतील तर ……?

माझ्यासाठी वर्षाचे ३६५ हि दिवस मराठी दिन
सर्व भाषा ह्या बहिणी आहेत. पण मला वाटते माझ्या आईची स्थिती (महाराष्ट्रातच) चिंताजनक आहे . म्हणूनच तर आम्हाला मराठी दिन साजरा करावा लागतो ना ?

त्यामुळे आधी माय मराठी माय व नंतर हिंदी मावशी. आधी माय जगो नंतर मावशी(ही) जगो.

तेंव्हा माझी अशी सूचना आहे की

आपल्या हिंदीभाषिक मित्र, मैत्रिणींशी नेटाने ३६५  दिवस मराठीत बोलून पहा आणि

आपला अनुभव माझ्यासोबत व इतरांसोबत वाटून घ्या.
 (ताजा कलम - मी शिव सैनिक नाही.)