डेक्कन क्रॉनिकल या प्रतिष्ठित दैनिकाने टूर ऑफ ड्युटी ही बातमी देतांना "भक्तांनो, सैन्यात जाण्याची संधी" असे वाक्य शीर्षकात देण्याचे काय कारण असावे? सैन्यात आधीच भाजपचे एक नेते, अर्थ खात्याचे राज्यमंत्री अनुराग ठाकूर (ज्यांच्याकडे निर्मला सीतारामन यांच्या पत्रपरिषदेत अर्थमंत्र्यांनी इंग्रजीत दिलेल्या निवेदनाचे हिंदीत भाषांतर करण्याचे काम असते), हे आधीच प्रादेशिक सेनेत (Territorial Army) अधिकारी पदावर आहेत. एखाद्या राजकीय विचारसरणीशी बांधिलकी असलेली व्यक्ती प्रादेशिक सेनेत कशी काय दाखल होऊ शकते हे मला समजले नाही. दुसरीकडे सनदी अधिकाऱ्यांची सरळ भरती (कोणतीही परीक्षा न देता) सुरू झाली आहे. चित्रपट अभिनेता मनोज वाजपेयीचा भाऊ या योजनेचा लाभार्थी आहे असे समजते. आता सैन्यात अधिकारी व जवान यांची तीन वर्षांसाठी का होईना (पुढे हा कालावधी वाढू शकतो) भरती करून सैन्यात नमो ब्रिगेड निर्माण करायची योजना तर नाही?