नक्वी यांच्या घरासमोर साबीरच्या पत्नीचा ठिय्या
वृत्तसंस्था । नवी दिल्ली
भाजपमधून हकालपट्टी केलेले नेते साबीर अली यांच्या पत्नी यास्मिन यांनी सोमवारी भाजप नेते मुख्तार अब्बास नक्वी यांच्या घरासमोर ठिय्या दिला. त्यापाठोपाठ माध्यमांचे प्रतिनिधी तेथे जमले. नक्वी यांनी वक्तव्यावर माफी मागावी किंवा भटकळशी संबंधाचे पुरावे द्यावेत, एवढी एकच आपली मागणी असल्याचे त्या म्हणाल्या. तथापि, नक्वी यांच्याकडून कोणतेही स्पष्टीकरण आले नाही. हा घटनाक्रम सुरू असतानाच पोलिस घटनास्थळी आले. यास्मिन यांना तेथून हटण्यास पोलिसांनी बजावले. नंतर पोलिसांनी त्यांना ताब्यात घेऊन टिळक मार्ग ठाण्यात नेले.

 दिव्य मराठी दिनांक ०१/०४/२०१४ च्या अंकातील मुखपृष्ठावरील बातमी