नृपेंद्र मिश्रा 

उच्चपदस्थ अधिकाऱ्यांच्या राजकीय भूमिका नेहमीच गुलदस्त्यात असतात आणि 'राजकीयदृष्टय़ा अलिप्त', यात नवल नाही. तरीदेखील प्रत्येक नव्या, महत्त्वाच्या नियुक्तीनंतर त्या त्या अधिकाऱ्यांची राजकीय जवळीक जोखण्याचा प्रयत्न होतच असतो. पंतप्रधानांचे नवे प्रधान सचिव (प्रिन्सिपल सेक्रेटरी) नृपेंद्र मिश्रा यांच्याबद्दल आज तसा प्रयत्न कोणीही करूच नये, हे उत्तम. त्यातच नृपेंद्र मिश्रा यांच्या भूमिकेबद्दलचे प्रवादही फार म्हणजे फारच जुने झालेले आहेत. 'उत्तर प्रदेशच्या मुख्यमंत्र्यांचे सचिव' या पदावरून मिश्रा यांना हटवण्याचा निर्णय १९९२च्या ऑक्टोबरअखेरीस त्या राज्याचे त्या वेळचे मुख्यमंत्री कल्याणसिंह यांनी घेतला, त्याअगोदर 'पाञ्चजन्य' या रा. स्व. संघाच्या नियतकालिकाने याच नृपेंद्र मिश्रांचा उल्लेख 'सीआयए एजंटांपैकी' असा केला होता. मात्र हा उल्लेख कोणीही अगदी आजतागायत गांभीर्याने घेतलेला नाही; कारण उत्तर प्रदेशात जानेवारी १९९१ पर्यंत मुलायमसिंह यांचे सरकार असताना ज्या पदावर मिश्रा होते, त्याच पदावर ते कायम राहिले. यामागे एक निराळेच 'खरे कारण' सांगितले जात होते.. ते असे की, 'मुळात मिश्रा हे मुलायमसिंह यांच्या प्रशासनात भाजपनेच पेरलेला माणूस होता.' (सविस्ता लेख आजच्या लोकसत्तामध्ये )
(अशी अनेक माणसे गेली ६६ वर्षे सरकारात पेरलेली होती व निवृत्त झाल्यावर त्यांचे खरे स्वरूप उघड व्हायचे. आता मात्र ते निवृत्त व्हायची वाट पाहत नाहीत तर एका रात्रीतून राजीनामा देऊन आपल्या आवडत्या पक्षातर्फे निवडणूक लढवतात.)