ग्रेट फायरवॉल ऑफ चायना … चीनमध्ये परदेशी साइटसवर जबरदस्त सेन्सॉरशिप लागू आहे.  त्याला ग्रेट फायरवॉल ऑफ चायना असे म्हटले जाते. गेल्या वर्षी चीनमध्ये ऑनलाइन टूलसुद्धा नष्ट करण्यात आला असून त्याद्वारे सामान्य माणसेसुद्धा परदेशी साइट उघडू शकत होते. १ अब्ज मोबाइल फोन यूजर आणि ७० कोटी इंटरनेट यूजर यांच्या दरम्यान चीनमधील वीबोसारख्या सोशल साइट आहेत. त्या मिळून सुमारे ४० लाख वेबसाइटस आहेत.}reddit.com
फेसबुकचे सीईओ संस्थापक मार्क झुकेरबर्ग यांनी त्यांची मुलगी मॅक्सीच्या जन्माआधी चिनी राष्ट्राध्यक्ष शी जिनपिंग यांना म्हटले होते की, तिच्यासाठी त्यांनी नाव सुचवावे. त्यांनी फेसबुकच्या मुख्यालयात त्यांचे स्वागतही केले होते. झुकेरबर्गची पत्नी प्रेसिला चान ही मूळची चीन-व्हियतनामची अमेरिकी नागरिक आहे. झुकेरबर्गने चिनी भाषा मेंडेरिनसुद्धा शिकून घेतली आहे.	चिनी नेतृत्व, तेथील जनता, कर्मचारी आणि पत्नी मूळची तेथील असूनही झुकेरबर्गसाठी चीनचे मार्ग बंद आहेत. जगभरात इंटरनेट सेन्सॉरशिपचे अघोषित नेतृत्व करणाऱ्या चीनमध्ये फेसबुक, गुगल, टि्वटर, इन्स्टाग्राम सारख्या वेबसाइटवर गेल्या अनेक वर्षापासून बंदी आहे. झुकेरबर्ग यांनी त्या दृष्टीने खूप प्रयत्न केले परंतु त्यांना यश मिळाले नाही. चीनमध्ये इंटरनेटच्या शासकीय विभागाचे प्रमुख लु वेइ यांनी सांगितले, परदेशातील ब्लॉकिंग हटवण्यासाठी आता तरी कोणती योजना नाही. त्यांचे उत्तर असे होते : मी तुम्हाला बदलू शकत नाही. परंतु माझ्याकडे माझे मित्र निवडण्याचा अधिकार आहे. जी मंडळी आमच्या देशात येऊन पैसे कमावतील आणि चीनलाच बदनाम करतील, अशा कोणत्याही अशा गोष्टीचे आम्ही स्वागत कधीच करणार नाही. हा एका कुटुंबातला मामला आहे. ज्याच्यामध्ये चांगले गुण नसतील अशी कोणीही व्यक्ती येथे येऊ शकत नाही. ग्रेट फायरवॉल ऑफ चायना